களுவாஞ்சிக்குடி நகர் லயன்ஸ் கழகத்தின் ஏற்பாட்டில் வெள்ள நிவாரண பொதிகள் வழங்கி வைப்பு.

களுவாஞ்சிக்குடி  நகர் லயன்ஸ் கழகத்தின் ஏற்பாட்டில்  வெள்ள நிவாரண பொதிகள் வழங்கி வைப்பு.

மட்டக்களப்பு மாவட்டம் களுவாஞ்சிக்குடி நகர் லயன்ஸ் கழகத்தின் ஏற்பாட்டில் வெள்ள நிவாரண பொதிகள் வழங்கும் நிகழ்வு  ஞாயிற்றுக்கிழமை (12.01.2025) களுவாஞ்சிக்குடி நகர் லயன்ஸ் கழக  அலுவலகத்தில் இடம்பெற்றது. 

களுவாஞ்சிக்குடி நகர் லயன்ஸ் கழக தலைவர் லயன் சா.சரவணன் தலைமையில் இடம்பெற்ற  இந்நிகழ்வில் அக்கழகத்தின் முன்னாள் தலைவர்களான ஆனந்தராஜா, நல்லையா மற்றும் லயன்ஸ் கழக உறுப்பினர்கள் பலர் கலந்து கொண்டு பயனாளிகளுக்கு நிவாரண பொதிகளை வழங்கி வைத்தனர். 

அப்பகுதியில் அண்மையில் ஏற்பட்ட வெள்ளப்பெருக்கினால் பாதிப்புற்ற 51 தெரிவு செய்யப்பட்ட குடும்பங்களுக்க அரிசி, சீனி, பால்மா, பிஸ்கட் போன்ற  தலா 5000 ரூபாய் பெறுமதியான உலர் உணவுப் பொதிகள் வழங்கி வைக்கப்பட்டன.