மக்கள் தலைவர்களைத் தேர்ந்தெடுக்கும் போது பெறுமதி வாய்ந்த தலைவர்களை ஆதரிக்க வேண்டும் - யு.என்.பி சசிகலா

மக்கள் தலைவர்களைத் தேர்ந்தெடுக்கும் போது பெறுமதி வாய்ந்த தலைவர்களை ஆதரிக்க வேண்டும்  - யு.என்.பி சசிகலா.

ஜனாதிபதி தேர்தலில் மக்கள் தலைவர்களைத் தேர்ந்தெடுக்கும் போது கடவுளும் மக்களும் நேசிக்கின்ற பெறுமதி வாய்ந்த தலைவர்களை ஆதரிக்க வேண்டும் என ஐக்கிய தேசிய கட்சியின்  மட்டக்களப்பு மாவட்ட மகளிர் அமைப்பாளளர் சசிகலா ஜெயதேவா தெரிவித்துள்ளார். இவ்விடையம் தொடர்பில் செவ்வாய்கிழமை அவர் ஊடகங்களுக்குக் கருத்துத் தெரிவிக்கையிலேயே அவர் இவ்வாறு குறிப்பிட்டார். இதன்போது அவர மேலும் தெரிவிக்கையில்…

எமது நாடு பாரிய பொருளாதார நெருக்கடியில் சிக்கித் தவித்த போது எந்த ஒரு தலைவரும் முன்வந்து நாட்டை பொறுப்பெடுக்காத நிலையிலே கடவுளின் ஆசிர்வாதத்துடன் ரணில் விக்கிரமசிங்க அவர்கள் ஜனாதிபதியாக தெரிவு செய்யப்பட்டு வறுமைக் கோட்டின் கீழ் இருந்த மக்கள் அனைவரும் இறந்து விடுவோம் என்ற அச்சத்தின் போது நாட்டின் தலைமைத்துவத்தை துணிச்சலாக முன்னெடுத்து அத்தியாவசிய பொருட்களுக்காக மக்கள் வரிசையில் நின்று மரணித்த வேளையிலும்கூட எமது கட்சியின் தலைவர் பாரம் எடுத்து தற்போது நாம் மகிழ்ச்சிகரமான வாழ்க்கையை முன்னெடுத்து வருகின்றார். 

இது தொடர வேண்டுமானால் இனி வரும் காலங்களில் மக்கள் தலைவர்களைத் தேர்ந்தெடுக்கும் போது பெறுமதி வாய்ந்த தலைவர்களை ஜனாதிபதி தேர்தலின் போது ஆதரிக்க வேண்டும். கடவுளும் மக்களும் நேசிக்கின்ற தலைவரை நாம் ஆதரிக்க வேண்டும். விழுந்து கிடந்த கட்சியைகூட இன்று தூக்கி நிறுத்தி இருக்கின்றார். இவை அனைத்துமே கடவுளின் ஆசீர்வாதம். என அவர் இதன்போது தெரிவித்தார்.