கல்குடா சைவ குருமார் சங்கத்தின் ஏற்பாட்டில் மாணவர்களுக்கான கற்றல் உபகரணங்கள் வழங்கி வைப்பு.

கல்குடா சைவ குருமார் சங்கத்தின் ஏற்பாட்டில் மாணவர்களுக்கான கற்றல் உபகரணங்கள் வழங்கி வைப்பு.

மட்டக்களப்பு மாவட்டம் கல்குடா  சைவ குருமார் சங்கத்தின் ஏற்பாட்டில் அதன் இஸ்தாபகர் சிவ ஸ்ரீ ரதிகரன் குருக்கள் ஐயாவின்ஒழுங்கமைப்பில் மாணவர்களுக்கான கற்றல் உபகரணங்கள் வழங்கும் இரண்டாவது நிகழ்வு கல்குடா சைவ குருமா சங்கத் தலைவர் சிவ.ஸ்ரீ கா.கிருஷ்ணபிள்ளை குருக்கள்; தலைமையில் வாழைச்சேனை முல்லை வீதியில் அமைந்துள்ள லயன்ஸ் கழக மண்டபத்தில் நடைபெற்றது.

திருகோணமலை ஆலங்கேணி அருள்மிகு அரி ஓம் சிவசக்தி லட்சுமி நாராயணர் ஆலய ஸ்தாபகரும் ஆலய தர்மகத்தா சைவ குருமார் ஒன்றியத்தின் ஆலோசகருமான  சிவத்திரு ரெட்ணசிங்கம் பன்னீர்செல்வம் பொட்டுக்களி ஐயா அவர்களின் முழு அனுசரணையில் இந்நிகழ்வு இடம்பெற்றது.

கல்வி அதிகாரிகள், கிராம சேவையாளர்கள், அதிபர், ஆசிரியர்கள், சமாதான நீதவான்கள், முன்பள்ளி ஆசிரியர்கள், அறநெறிப் பாடசாலை ஆசிரியர்கள், ஆலய தலைவர்கள், கிராம சமூக மட்ட அமைப்புகளின் பிரதிநிதிகள், குருமார்கள் மாணவர்கள் என பலரும் கலந்து கொண்டிருந்தனர். 

இதன்போது குருமாசர் சங்கத்தின்  பாரம்பரிய நிகழ்வுகள் இடம்பெற்று பின்னர் குருமாரின் சத்திய பிரமாணம் இடம்பெற்றது. தொடர்ந்து கல்குடா கல்வி வலயத்திலிருந்து தெரிவு செய்யப்பட்ட மாணவர்களுக்கு குருமாராலும், அதிதிகளாலும் கற்றல் உபகரணங்கள் வழங்கி வைக்கப்பட்டன.