வேன் சைக்கிளுடன் மோதி விபத்து- வயோதிபர் படுகாயம்

மட்டக்களப்பு - கல்முனை நெடுஞ்சாலையில் காத்தான்குடி-04, பிரதான வீதி, பழக்கடைகள் அமைந்ததுள்ள பகுதிக்கு முன்பாக சனிக்கிழமை இரவு 8.40 மணியளவில் வேனும் துவிச்சக்கர வண்டியும் மோதி விபத்துக்குள்ளானதில் ஒருவர் படுகாயமடைந்த நிலையில் வைத்தியசாலையில் காத்தான்குடி வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்தனர்.

இவ்விபத்துச் சம்பவம் சனிக்கிழமை (ஜுன் 18, 2016) இரவு 8.40 மணியளவில் இடம்பெற்றுள்ளது.

மேற்படி விபத்துச் சம்பவத்தில் துவிச்சக்கரவண்டியில் பயணித்த காத்தான்குடி பிரதேசத்தைச் சேர்ந்த வயோதிபர் ஒருவர் படுகாயமடைந்த நிலையில் காத்தான்குடி ஆதார வைத்தியசாலையில் அனுமதிக்கப்பட்டார்.

சம்பவ இடத்திற்கு விரைந்த காத்தான்குடி போக்குவரத்து பொலிசார் இது தொடர்பான மேலதிக விசாரனைகளை மேற்கொண்டுள்ளனர்.