கிழக்கு மீனவர்களின் பிரச்சினைகள் விரைவில் தீர்க்கப்படும்: மட்டக்களப்பில் அமைச்சர் அமரவீர

யுத்தம் மற்றும் இயற்கை அனர்த்தங்களினால் பெரிதும் பாதிக்கப்பட்டவர்கள் கிழக்கு மாகாண மீனவர்கள்.

அவர்களது அடிப்படை தேவவைகள் மற்றும் சகல பிரச்சினைகளுக்கும் விரைவில் தீர்வு காணப்படும் என கடற்றொழில் மற்றும் நீரியல் வளத்துறை அமைச்சர் மஹிந்த அமரவீர தெரிவித்ததர்.

இன்று ஞாயிற்றுக்கிழமை மாலை மட்டக்களப்பு மாவட்ட கடற்றொழில் திணைக்கள தலைமையகத்திற்கு விஜயம் செய்த அமைச்சர், எரிபொருள் மானிய மாற்றுத்திட்டத்தின் கீழ் மீன்பிடி வலைகள் மற்றும் உபகரணங்களை வழங்கிவைத்தார்.

இந்த திட்டத்தின்கீழ் மாவட்டத்தில் 1038 மீனவர்களுக்கு மீன்பிடி உபகரணங்கள் வழங்கப்பட்டுள்ளன.

மீனவர்களின் பிரச்சினைளை கேட்டறிந்த அமைச்சர் மீன் விற்பனை மற்றும் ஐஸ் உற்பத்தி நிலையங்களையும் பார்வையிட்டார்.

இந்த விஜயத்தில் சுகாதார பிரதியமைச்சர் பைசல் காசீம், மாவட்ட அரசாங்க அதிபர் பி.எஸ்.எம்.சார்ள்ஸ், கடற்றொழில் அமைச்சு அதிகாரிகள் உட்பட பலரும் கலந்து கொண்டனர்.