நாளை (17) நடைபெறவுள்ள நாடாளுமன்ற பொதுத் தேர்தலுக்காக வேண்டி மட்டக்களப்பு மாட்டத்திலுள்ள வாக்கெடுப்பு நிலையங்களுக்கு வாக்குப் பெட்டிகள் தேர்தல் மத்திய நிலையமாக் காணப்படும், மட்டக்களப்பு இந்துக் கல்லூரியிலிருந்து பலத்த பொலிஸ் பாதுகாப்புக்கு மத்தியில் எடுத்துச் செல்லப் பட்டுள்ளன.
மட்டக்களப்பு மாவட்டத்தில் இம்முறை நாடாளுமன்ற தேர்தலுக்காக 16 கட்சிகளும், 30 சுயேட்சைக் குழுக்கள் போட்டியிடுகின்றன.
மட்டக்களப்பு மாட்டத்தில் ஐந்து உறுப்பினர்களைத் தெரிவு செய்வதற்காக மொத்தமாக 368 பேர் தேர்தல் களத்தில் குதித்துள்ளனர்.
மட்டக்களப்பு மாவட்டத்தில் 3,65,167 பேர் வாக்களிக்கத் தகுதி பெற்றிருப்பதாக மாவட்ட உதவி தேர்தல் ஆணையாளர் ஆர்.சசீலன் தெரிவித்துள்ளார்.
மட்டக்களப்பு தேர்தல் தொகுதியில் 1,72,499 பேரும், கல்குடா தொகுதியில் 1,05,056 பேரும் , பட்டிருப்பு தொகுதியில் 87,612 பேரும் வாக்களிக்க தகுதி பெற்றுள்ளனர்.
இதேவேளை இம் மாவட்டத்தில் 414 வாக்களிப்பு நிலையங்கள் அமைக்கப்பட்டுள்ளன.
ஆதனடிப்படையில், மட்டக்களப்பில் 199 நிலையங்களும் , கல்குடாவில் 115 வாக்களிப்பு நிலையங்களும், பட்டிருப்பில் 100 வாக்களிப்பு நிலையங்களும் அமைக்கப்பட்டுள்ளன. என்பது குறிப்பிடத்தக்கது.
இந்நிலையில் மட்டக்களப்பு மாவட்டத்தில் தபால் மூலம் வாக்களிப்பதற்காக 9842 பேர் தகுதி பெற்றிருந்ததாக தேர்தல்கள் திணைக்களத்தினால் அறிவிக்கப்பட்டிருந்தது.
மாவட்டத்தில் தபால் மூல வாக்களிப்புக்காக மட்டக்களப்பு, கல்குடா , பட்டிருப்பு ஆகிய மூன்று தொகுதிகளிலுமாக, 176 நிலையங்களில் வாக்களிப்புக்கள் நடைபெற்றிருந்தமை குறிப்பிடத்தக்கதாகும்.
0 Comments:
Post a Comment