சித்தாண்டி ஸ்ரீ சித்திர வேலாயுத சுவாமி ப்ரம்மோற்சவப் பெருவிழா

மட்டக்களப்பு சித்தாண்டி ஸ்ரீ வள்ளி குஞ்சரி சமேத ஸ்ரீ சித்திர வேலாயுத சுவாமி பேராலய வருடாந்த ப்ரம்மோற்சவப் பெருவிழாவின் ஐந்தாம் நாள் கங்காணர்போடி திருவிழாவின் திருவிளக்கு பூசை நேற்றுமுன்தினம் (19) புதன்கிழமை இரவு மிகவும் சிறப்பான முறையில் நடைபெற்றது.

நடைபெற்ற திருவிளக்கு பூசையினை ப்ரம்மோற்சவ பிரதம குரு தருமை ஆகமப்பிரவீனா, ஆசீர்வாதசரபம் சிவஸ்ரீ.கைலாசநாத வாமதேவக் குருக்கள் (யாழ் - நயினை ஸ்ரீ நாகபூசணியம்மன் பேராலய ஆதீனகுரு) மற்றும் ஆலய ஸ்தானிக குரு சிவஸ்ரீ.க.குகன் குருக்கள் ஆகியோரின் தலைமையில் நடைபெற்றது.

இங்கு நூற்றுக்கு மேற்பட்ட கன்னிப்பெண்கள் திருவிளக்கு பூசைக்கு கலந்துகொண்டு தங்களின் வழிபாடுகளில் கலந்துகொண்டதுடன் ஆலய உள் வீதி மற்றும் வெளி வீதியிலும் கலந்துகொண்டு நடைபெற்ற ப+சை வழிபாடுகளிலும் கலந்துகொண்டனர்.
வருடாந்தம் நடைபெறும் கங்காணர்போடி திருவிழா மிகவும் சிறப்பான முறையிலே நடைபெற்றுவருகின்றது. அந்தவகையில் நேற்று நடைபெற்ற ஐந்தாம் நாள் திருவிழாவின் காலை 8.00 மணிக்கு சங்கற்பம், ஸ்நபன கும்ப ப+சைகள், அபிசேகம், மூலவர் பூசை, யாக பூசை, ஸ்தம்ப பூசை, வசந்த மண்டப பூசை, சுவாமி உள் வீதி உலா என்பன இடம்பெற்று நண்பகல் 12.00 மணிக்கு பகல்வேளை உற்வம் என்பன நிறைவடைந்து இரவுவேளை விசேடமாக இவ் திருவிளக்கு பூசை நடைபெற்றது.

நடைபெற்ற ஐந்தாம் திருவிழாவின்போது சுவாமி வசந்த மண்டபத்திலிருந்து எழுந்தருளி அலங்கரிக்கப்பட்ட சப்புரத்தில் வீதி உலா வந்து பக்தர்களுக்கு காட்சிகொடுத்தார். இதன்போது பெரும் திரளான பக்தர்கள் பல இடங்களில் இருந்து திருவிளக்கு திருவிழா காணவருகைதந்திருந்தனர்.

ஆலயத்தின் உற்சவ பெருவிழா இறுதி நாளாகிய ஆவணித் திங்கள் 12ம் நாள் (29.08.2015) சனிக்கிழமை ஆவணி பௌர்ணமி நன்நாளில் தீர்த்தோற்சவத்துடன் இனிதே நிறைவுபெற்று அன்று மாலை 5.00 மணிக்கு கொடியிறக்கத்துடன் இவ்வாண்டுக்கான உற்சவ பெருவிழா நிறைவடையவுள்ளமை குறிப்பிடத்தக்கது.