களுவாஞ்சிகுடி சைவ மகா சபையின் 61 வது ஆண்டு நிறைவு விழா

- கமல்- 

மட்டக்களப்பு - களுவாஞ்சிகுடி சைவமகா சபையின் 61 வது ஆண்டு நிறைவு விழாவும் பொங்கல் விழாவும் ஞாயிற்றுக் கிழமை (08) சைவமகாசபை மண்டபத்தில் நடைபெற்றது.

சைவமகா சபையின் தலைவர் கு.நகேந்திரன் தலைமையில் இடம் பெற்ற இவ்விழாவில் ஆத்மீக அதிதியாக கிரியாஜோதி சிவஸ்ரீ.மு.முத்துக்குமாரன் குருக்கள் கலந்து கொண்டார்.

மேலும் இந்நிகழ்வில் மண்முனை தென் எருவில் பற்று பிரதேச செயலாளர் கலாநிதி.எம்.கோபாலரெத்தினம், களுவாஞ்சிகுடி ஆதார வைத்திய சாலையின் வைத்திய அத்தியட்சகர் கு.சுகுணன் உட்பட அறநெறிப் பாடசாலையின் ஆசிரயர்கள், மாணவர்கள் பொதுமக்கள் என பலர் கலந்து கொண்டிருந்தனர்.

இதன்போது களுவாஞ்சிக்குடி மாணிக்கப் பிள்ளையார் ஆலயத்தில் பொங்கல் பூஜை  இடம்பெற்றது.  பின்னர் அறெநெறிப் பாடசாலை மாணவர்களிடையே போச்சு, பண்ணிசை, பாவோதல், போன்ற போட்டிகளில் கலந்து கொண்டு வெற்றியீட்டிய மாணவர்களுக்கு பரிசீல்களும் வழங்கி வைக்கப்பட்டன.