வாக்காளர் அட்டைகளை விநியோகிக்கும் பணிகள் ஜன.3ஆம் திகதி வரை நீடிப்பு

நாட்டில் நிலவும் சீரற்ற காலநிலை காரணமாக ஜனாதிபதித் தேர்தலுக்கான வாக்காளர் அட்டைகளை விநியோகிக்கும் பணிகள் ஜனவரி 3 ஆம் திகதி வரை நீடிக்கப்பட்டிருப்பதாக தேர்தல்கள் திணைக்களம் அறிவித்துள்ளது.

வாக்காளர் அட்டைகளை விநியோகிக்கும் பணிகள் எதிர்வரும் டிசம்பர் 31ஆம் திகதி வரையுமே நடைபெறும் என முன்னர் அறிவிக்கப்பட்டிருந்தது. எனினும், நாட்டில் நிலவிவரும் மோசமான காலநிலை காரணமாக வாக்காளர் அட்டைகளை விநியோகிக்கும் பணிகள் 3 ஆம் திகதிவரை நீடிக்கப்பட்டுள்ளதாக மேலதிக தேர்தல்கள் ஆணையாளர் எம்.எம்.மொஹமட் தெரிவித்தார்.